前年 4月某天 , 我和一班朋友去參加新界一天遊 , 去到某旅遊景點時 , 見到有幾十個攤檔 , 其中有一檔係睇命相既 , 檔主標明自己係某著名掌相大師弟子 , 呢位命相師年紀約 60 幾歲 , 雙目有神 , 我覺得好奇便入內叫他為我睇命相 , 今次係第一次睇相咋 , 他根據我提供的出生時辰八字查看幾本小書後便說我是雙偏財命 , 即是財運不錯 , 又說祖先和老婆在財運上都是會幫到我的 , 跟住他看我的兩隻手掌 , 他說左手是先天 , 右手是後天既命運 , 他說我有 80 多歲命 , 如多做善事更會有 90 幾歲命既 , 不過在 70 多歲時有一關要過 , 我聽後好開心 , 如果到時行得走得食得冇咩病痛 , 有 80 幾歲命 , 見到兒孫滿堂都吾錯啦 , 之後他又說我的事業線不錯 , 是會工作到 65 歲 , 如果我想做 , 甚至會更長 , 2011年就有 小小 阻滯 , 我答相師近來工作上真係有小小阻滯吾開心 , 相師就話到左 2012 年 1月 1 日就會順順利利 , 而且一直到 2013 年尾兩年內都會順順利利好運既 , 仲會搵到好多錢 , 更會有偏財好多錢添 , 他又說掌紋是會變的 , 當我的事業線加長時 , 就表示我的工作年紀會延長 , 事業順利啦 , 佢仲根據我既掌紋講左好多我既事 , 仲非常準添 !
相師好仔細看我的臉相 , 佢話我心地善良 , 而且為人真誠 , 臉相生得是相當好添 , 但佢叫我千祈吾好去澳門賭錢因為會輸喎 , 我話自己是從來都不煙不酒不賭既 , 我和女友說到這裡 , 她便好緊張問我相師有冇講我和她的愛情呢 ? 哈哈 , 個相師當然有講小小啦 ! 初時真係吾敢講俾女友知架 , 因為怕她反面嬲嘛 ! 相師仲同我講我有好多女仔中意我既 , 就算我到了 65 歲都會有女仔中意我喎 , 我同女友講叫她吾使擔心 , 我咁愛她一定吾會變心既 , 當時我因為要和朋友趕著上旅遊車離去 , 所以未有詳細問他呀 , 下次再去問啦 , 因為這位相師逄星期六 , 曰都是長駐在那裡的 , 可能下次我和女友一起去問這位相師吧 !
以下一首詩是送給最愛的她 ~
' 一生都愛妳 '
握着妳的雙手 , 望向低着頭含羞的妳 , 我就像是擁有整個春天 ,
擁抱妳的身體 , 吻着妳的臉 , 我就像是擁有整個宇宙 ,
親愛的 , 世上還有什麼比妳更美好 , 可以給我去追求 ?
