吾嫁好過嫁錯
1) 妺妹嫁錯郎的故事
我都要講下我妺妹當年既慘事 , 我妹妹現時是本港一間大機構高級行政人員 , 丈夫是專業人士 , 妹妺每月的人工還要比丈夫高 , 當年嫁佢丈夫時 , 同佢家公家婆及丈夫的細妹一家人一齊住 , 初時妹妹以為一家人住埋一齊會和諧共處 , 仲打算用愛心照顧佢地 , 點知就好似去左地獄生活咁, 佢家婆經常聯同自己女兒欺負我妹妹 , 妹妺每曰返工後仲要幫佢地做家務買送煮飯 , 真係慘過做菲傭 , 但佢地咁都吾滿意 , 小小事就對妺妹大吵大鬧 , 仲有次佢家婆兩母女騎住我妹妺在地下係咁打 , 打到我妹妹滿身傷痕 , 那次兩家人幾乎打起來 , 大哥為妹妺報了警 , 但最後妺妹為息事寧人 , 不再追究 , 妺妺丈夫出名係孝子 , [ 可以是好兒子，但不是好丈夫 ! ] , 完全冇幫我妹妹出頭 , 所以攪到妹妺經常返外家哭哭啼啼 , 當時令到兩家人經常嘈交, 直到妹妹要自己出錢買層樓搬開住 , 因為丈夫有錢都俾哂阿媽及為父母供樓 , 所有家庭開支完全由妹妺負責 , 所以妹妺當時每次見到我都向我嗔話佢丈夫不負責任 , 一蚊家用都冇俾過 , 仲話人地丈夫就算做掃街都會每個月拎幾千元返屋企俾老婆做家用啦 , 直到妹妹兩公婆搬走先至冇再俾人打鬧 , 但妹妹夫家的家人同我地一家人就從此再無來住 , 因為佢地當年毫無人性咁虐打我妹妺 , 又從無向我妹妹道歉 , 所以永遠都吾可以原諒佢地既 ;
因此奉勸未婚既女士選擇男朋友時要小心 , 一定要清楚男生既家庭背境同經濟狀況 , 若男生家有老爸 / 老媽又和細佬妹同住 , 而男生又冇物業 , 同佢結婚後就多數要同佢父母弟妺一齊住 , 有些家庭是奉行一言九頂的 , 所以同佢地一齊居住一定家無寧曰 , 永無安樂太平日子 , 若然男生又冇自己物業 , 仲要供養父母 , 經濟一定吾會好 , 咁就要諗清諗楚嫁吾嫁得過 , 一旦結婚後要一家人一同居住 , 就算家公家婆同佢地既仔女吾欺負妳 , 妳都要照顧兩位老人家既起居生活同服侍其他成員 , 真係仲慘過做菲傭 , 而且仲要經常帶住年老多病既家公 / 家婆 定期去政府診所覆診 , 仲有同老人家一齊住要遷就佢地好麻煩 , 在老人家面前兩夫妻吾可以親熱又吾可以打情話俏 , 一定要規規矩矩 , 講說話大聲 d 都吾得 , 所以是會嚴重影嚮兩夫妻的私人生活 , 如果嫁得咁凄涼 , 真係吾嫁佢好過 , 不如搵另一個更適合自己既男生咪仲好 !
2) 女同事嫁錯郎跌入深淵的故事 有位舊女同事早前見到我就向我大吐苦水 , 而且淚流滿面 , 就係因為結婚後要同兩個年老多病既家公家婆同住 , 經常要帶住年老多病既家公家婆去政府診所覆診 , 由於老人家愛寧靜又早睡 , 所以在老人家面前 , 兩公婆吾可以親熱 , 一定要規規矩矩 , 因此嚴重影嚮兩夫妻的私人生活 , 每曰放工後女同事仲要買送做家務湊女放學及教女做功課 , 而且仲要每個月將佢既人工交俾老公供樓做家用 , 但層樓就冇加女同事既名 , 所以令到女同事心灰意冷 , 最慘係丈夫冇憐惜佢 , 還對她處處箝制不尊重 , 完全冇幫老婆做家務及教女做功課 , 又吾肯租一個單位俾爸媽另外居住 , 又為左慳錢吾肯請菲傭 , 攪到我同事離婚又吾得 , 搬開住又吾得 , 簡直苦不堪憐 。
3) 女友人識錯男友回頭吾嫁的故事 我有一位女友人亦和我妹妹的遭遇差不多 , 兩年前她認識了一位男友 , 對她相當好又闊綽 , 經常送她禮物 , 大家拍拖了不足半年她便和男友訂了婚 , 及安排了三個月後在律師見証下正式擺酒結婚 , 鑽石介指都買好 , 男友勸她不如早些搬到他的家和他的父母細妹一起生活 , 早些和他家人相熟 , 到正式結婚時一家人更會和諧相處 , 誰知女友人搬去男友的出售公屋家居生活後 , 男友的父母細妹當她是工人不如 , 除了每天要她買送煮飯做家務外 , 還要服侍男友一家人 , 全家人每餐都坐在等食 , 完全不幫手 , 但每月男友只給女友人 $3,000 家用 , 根本不夠開支 , 而且女友人發現了男友每月收入原來只有 9 千多元 , 之前男友就講大話話自己人工有萬幾元 , 而每月男友的 9 千多元人工就差不多用完 , 沒有錢剩 , 當初男友的甜言蜜語說什麼婚後會和她買樓搬開住原來都是假話 , 結果女友人捱不到一個月便 決定不再和男友結婚 , 就搬走了 , 而且以後也不再和男友來往。
所以周麗淇講既 : [ 吾嫁好過嫁錯 ] 真係岩架 !
昨天晚上 10 點看無線節目 [ 順風順水 ] , 掌相師蘇凌風在節目同幾位明星姐仔討論女仔搵老公既話題 , 佢話女仔有心搵老公 , 點解吾搵個靚仔有型既呢 ? 因為男人靚仔不靚仔一樣都會花心既 ;
蘇大師仲話揀老公搵個拍過幾次拖 , 見過世面就最好 , 因為男人拍得拖多 , 定力一定夠 , 而且玩夠了 , 就不容易對其他女性感到好奇 , 不容易受到引誘 , 所以是不容易攪出婚外情 , 哈哈 , 大家同意嗎 ?
就算師奶小姐去超級市場買幾個橙都要細心揀啦 , 何況是揀男朋友揀老公 ? 揀得吾好就會後悔一世 , 因此一定要細心慢慢揀 , 吾靚吾岩心水都吾好要 , 事實上而家好多女仔都寧願單身 , 遲婚或甚至吾嫁 , 就因為揀吾到適合既男人 , 總好過求其搵個男友 / 老公 , 將來就痛苦一生 , 所以真係 [ 吾嫁好過嫁錯 ] 。
沒有留言:
張貼留言